Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Ministry of Education.

Te Aromatawai

Ngā Tohu Aromatawai

Mā te kaiako tonu ngā tohu aromatawai e tautohu hei tirohanga māna:

Ngā Tukanga Tikanga ā-Iwi – Taumata 5

Te Pakirehua; Te Tūhuratanga Uara; Te Whakatau Kaupapa Pāpori (mai i Tikanga ā-Iwi i roto i Te Marautanga o Aotearoa)

E āhei ana te ākonga:

  • ki te whakaū anga pakirehua;
  • ki te whakamārama i te tū, te whanake me te rerekē haere o te uara;
  • ki te tautohu i ētahi tūmomo raru, ngā take o tētahi tautohenga me ngā kaupapa kei muri i ēnei kaupapa.

Ngā Mahi Aromatawai

Ka taea te aromatawai i ngā mahi a ngā ākonga:

mā te whakaatu otinga.

  • Ka whakaatu otinga mā te whakaaturanga ā-rorohiko hei whakaatu ki te akomanga, ki te kura, ki te marae, ki tētahi atu rōpū rānei.
  • Ka waihangatia mai tētahi kiriata poto e whakaatu ana i ētahi uiuitanga.
  • Ka whakaatuhia ngā raraunga ki tētahi kauwhata hei hoatu ki te kura, ki te kaunihera ā-rohe, ki a wai rānei.
  • Ka tuhi i tētahi reta ki te nūpepa e whakaahua ana i tā rātou ake urupare ki te kaupapa.

mā te ahu whakamua.

  • Ka whakatakotoria tētahi mahere e ngā ākonga e whakaatu ana i te huarahi e tutuki ai te kaupapa.
  • Ka whakarite ngā ākonga i tētahi mahi hei whakawhānui ake i te mōhiotanga o tētahi hunga (arā, ko ngā rangatahi, ngā kaipakihi, ngā mātua rānei) ki te kaupapa.
  • Ka whakatūria e ngā ākonga tētahi hui hei whakatairanga i te kaupapa.

mā ngā whakatau.

Ko te whakatakoto whakataunga tētahi tohu o te māramatanga o te ākonga ki tētahi kaupapa. He aha ngā tūmomo whakatau kua puta i ngā ākonga e pā ana ki te kaupapa?

mā te whakaata me te aromatawai.

Ka noho ā-rōpū, ā-akomanga rānei ngā ākonga ki te whakaata me te aromatawai i ngā hua o ā rātou mahi. Ka taea pea e rātou te tuhituhi i tētahi rātaka e pā ana ki ngā mahi kua oti i a rātou i raro i te kaupapa nei. Anei ētahi pātai hei āwhina i ngā kōrero:

  • E mārama ana ki a au te whānui o te kaupapa i nāianei?
  • He pātai anō āku kia whakautua?
  • I pēhea ōku whakaaro mō te kaupapa i te tuatahi? He pēhea ōku whakaaro i nāianei?
  • He aha ngā painga o te kaupapa nei? He aha ngā uauatanga?
  • Me pēhea te hāpai ake i ngā wāhanga e noho āhua ngoikore ana i tēnei wā?
  • Me pēhea te whakanui i ā tātou mahi?

 

 

Hoki ake ki runga ^