Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Ministry of Education.

Ngā Ngohe

1. Te whakapuaki i te kaupapa

Ka mātakitaki ngā ākonga i te ataata Ngā Waka o te Māori. Ka tuhia mai tētahi whakarāpopototanga e pā ana ki ngā waka o te Māori.

2. Te tautohu pātai

Whakaaturia tēnei whakaahua o te waka ki ngā ākonga. Ka noho takirua ngā ākonga ki te whiriwhiri kōrero me te tautohu pātai e pā ana ki te whakaahua. Anei tētahi tauira mahere whakaaro hei whāinga mā rātou.

3. Te rapu mōhiotanga

Ka mātakitaki ngā ākonga i te ataata Te Hoe Waka. Ka whiriwhiri rātou i tētahi momo waka hei rangahau mā rātou. Ka tuhi rātou kia rima ngā kōrero matua kua kitea e rātou e pā ana ki taua momo waka. Ka whakaaturia ngā otinga ki ngā pakitara o te akomanga.

4. Te wetewete me te tātari pārongo

Ka pānuihia e ngā ākonga ngā tuhinga e pā ana ki ngā momo waka (Ngohe 3). Ka matapakina ngā pātai e whai ake nei:

  • Ko ēhea ngā momo waka e kitea tonutia ana i ēnei rā?
  • Ko ēhea ngā waka kāore e kitea ana?
  • He ōrite, he rerekē rānei ngā momo waka e kitea ana i nāianei? He aha i pēnei ai?

5. Te whakaataata me te aromatawai

Ka whiriwhiri ngā ākonga i tētahi o ngā waka ka kitea tonutia i ēnei rā. Ka tuhi i tētahi whakamārama e pā ana ki te urutaunga o taua waka mai i ngā rā o mua ki nāianei. He tauira ēnei mō ngā wāhanga e toru o tāna tuhinga:

  • He pēhea te āhua o tēnei waka i ngā rā o mua, me te āhua o te waka i nāianei.
  • He aha ngā rerekētanga, me te take i rerekē ai te āhua o te waka?
  • He aha ngā painga o ngā urutaunga, he aha ngā ngoikoretanga?

Hoki ake ki runga ^