Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Ministry of Education.

Ngā Putanga Ako

Ngā mōhiotanga:

  1. Ngā momo waka i ngā rā o mua.
  2. Te hanga o tētahi momo waka me te take o taua waka.
  3. Ngā tūmomo whakamahi waka i ēnei rā.
  4. Te rerekētanga o ngā waka o mua ki ngā waka o nāianei.
  5. Te take kua rerekē te āhua o te waka i roto i ngā tau me ngā painga, ngā ngoikoretanga hoki, o tēnei āhua.

Ngā māramatanga:

  1. He mātauranga hangarau tō ngā tīpuna Māori o mua.
  2. E hāngai ana te hanganga o tētahi mea ki te whakamahinga o taua mea.
  3. He tohu te waka o te ahurea me te tuakiri Māori.
  4. Ka rerekē ngā mate me ngā hiahia o te tangata i roto i ngā tau.
  5. Ehara i te mea he pai ngā urutaunga katoa o te ao hurihuri.

 

Ngā Pātai Matua

  1. I pēhea te whakamahinga waka o ngā tīpuna i mua?
  2. I hangaia mai ngā waka ki te aha?
  3. He aha ētahi o ngā āhuatanga e pā ana ki te waka ama e mau tonu ana i a tātau, pēnei i ngā karakia, i ngā tikanga rānei?
  4. He aha ngā tikanga hou e kitea ana i ngā momo waka o ēnei rā?
  5. E whai take tonu ana te waka ki Aotearoa?
  6. He waka Māori tonu ngā momo waka e kitea ana i ēnei rā?

Hoki ake ki runga ^