Ngā Ngohe
1. Te whakapuaki i te kaupapa
Ka mātakitaki ngā ākonga i te ataata Te Whanaketanga o te Waka Ama ki Aotearoa, ka matapakina te pātai matua, “He hākinakina ā-motu te waka ama?”
2. Te tautohu pātai
Ka whakatakoto ngā ākonga i te pātai matua ki tētahi mahere whakaaro. He aha ngā pātai whāiti hei whakautu i te pātai matua nei? Ka tautohu ngā ākonga i ētahi pātai whāiti hei whakautu mā rātou me ngā wāhi e kitea ai ngā whakautu.
Kei ngā ataata Te Hākinakina me te Mahi Ōhanga me Ngā Kaihoe o Aotearoa ētahi kōrero anō hei āwhina i a rātou.
3. Te rapu mōhiotanga
He hākinakina nui te waka ama i te kura, i te hapori rānei? Ka waihanga uiui ngā ākonga kia kohikohia ai e rātou ētahi mōhiohio e pā ana ki te waka ama i tō rātou hapori, i tō rātou kura rānei. Ka taea e rātou te waihanga rārangi uiui ā-ipurangi ki te paetukutuku StatPac.
4. Te wetewete me te tātari pārongo
Ka whiriwhiri whakaaro ngā ākonga e pā ana ki te otinga o ā rātou rangahautanga. Ka whakatakoto i ngā kitenga ki ngā wāhanga e rua, arā, ko te taha e whakaae ana he hākinakina ā-motu te waka ama, ko te taha e whakahē ana i taua whakapae.
5. Te whakaataata me te aromatawai
Ka whakaritea tētahi taupatupatu e taea ai e ngā ākonga te whakaputa i ō rātou ake whakaaro e pā ana ki te kaupapa. Ka taea te mahi ā-akomanga, ā-rōpū rānei. Ko te kaupapa o te taupatupatu: “Me whakatū ko te waka ama kē hei hākinakina ā-motu mā Aotearoa”.