Nga tino hui i te ao Maori navigation
Ngā Putanga Ako
Ngā mōhiotanga
- Ngā kōrero mō te ahunga mai o te waka ama.
- Te whanaketanga o te waka ama hei mahi hākinakina i Aotearoa.
- Ngā kōrero a tētahi iwi taketake e pā ana ki te waka ama.
- Te pānga o te waka ama ki tō rātou kura, ki tō rātou hapori rānei.
- Ngā painga me ngā ngoikoretanga o te whakatūnga o te waka ama hei hākinakina ā-motu.
- Ka whakaputa te ākonga i ōna ake whakaaro e pā ana ki te whakatūnga o te waka ama hei hākinakina ā-motu.
Ngā māramatanga
- Ka ahu mai ētahi hākinakina i ngā mahinga o ia rā.
- He mea nui te whakataetae hei whakaoho i te manawa o te tangata.
- I ētahi wā, mā te ngākaunui o te tangata kotahi anake ki tētahi kaupapa, e pūāwai ai taua kaupapa.
- Mā te waka ama e kitea ai te ahurea Māori i te ao hākinakina.
- He mahi ā-hinengaro, ā-wairua, ā-tinana, ā-whānau hoki te waka ama.
- Ehara i te mea ko te pono, ko te tika rānei o te kōrero anake e aro atu ai te tangata ki a koe – he mea nui anō hoki te āhua o te tū, te rere o te kōrero, me te wairua o te tangata.
Ngā pātai matua
- I pūtakea mai te waka ama i hea?
- He aha ngā tikanga o te waka ama? He tikanga anō tā ētahi atu hākinakina i Aotearoa?
- He aha ngā painga o te waka ama? He aha ngā hua mō te tangata, mō te whānau hoki?
- Tokohia ngā tāngata e tākaro ana i te waka ama i te kura, i te hapori hoki?
- He aha rā ngā āhuatanga o te tākaro ā-motu? He aha tētahi tākaro ā-motu i Aotearoa?
Hoki ake ki runga ^
