Ngā Kaihoe o Aotearoa
Ngā tuhituhinga
He whakapapa, he tikanga anō hoki mēnā e hiahia ana koe te hoe waka. Arā, ehara ēnei mahi i te hākinakina noa iho, engari me mau pū ki te whakaaro he hītori, he mana anō tō tēnā, tō tēnā o ngā waka.
Kia huri ake tātou ki ngā waka e whakamahia ana i ēnei wā. Ko ngā waka taua, ka whakamahia i ngā hui nui pēnei i te koroneihana o Kīngi Tūheitia. Ka kitea hoki i ngā rā whakanui i te Tiriti o Waitangi, ki Waitangi.
Kua mahi tahi Ngā Kaihoe o Aotearoa ki te taha o Maritime New Zealand ki te whakarite ture hei haumaru i ngā kaihoe waka ama huri noa i te motu.
Kua whakatakotoria anōtia hoki ētahi rautaki matua mō te whanaketanga o te waka ama – pērā i te waihanga i ngā momo whakahaere, te whakatakoto rautaki hei kaupare i ngā momo raruraru ka pā ki te kaupapa, ā, me te mea anō kia whai huarahi rātou hei āta poipoi i te tokomaha o ngā tāngata e hiahia ana ki te hoe.
I āianei kua anga whakamua te tirohanga ki te whakapapa, te ahurea, me te puāwaitanga o ngā mahi hoe waka mō ngā tau e haramai nei.