Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Ministry of Education.

Ngā Ngohe

1. Te whakapuaki i te kaupapa

Ka mātakitaki ngā ākonga i te ataata He Hitori o te Reo Māori. Ka whakarongo ki ngā kōrero, kātahi ka whakatakoto i tētahi wātaka e pā ana ki te hītori o te reo Māori i Aotearoa.

Anei tētahi hei tauira.

2. Te tautohu pātai

Ka matapaki ā-akomanga i ngā wātaka e pā ana ki te hītori o te reo Māori i Aotearoa. (ngohe 1) Anei anō tētahi hei tirohanga mā te katoa.

Ka tautohu ngā ākonga i ētahi pātai hei rangahau mā rātou e pā ana ki te hītori o te reo Māori. Hei tauira:

  • He aha te take i ākina e ngā mātua ā rātou tamariki kia kōrero Ingarihi?
  • He aha te Hunn Report? He aha te pānga o tēnei rīpoata ki Aotearoa whānui?
  • Ko wai a Ngā Tama Toa?
  • He aha i ako ai ētahi o Tauiwi i te reo Māori i ngā rā o mua?

3. Te rapu mōhiotanga

Ka mātakitaki ngā ākonga i te ataata Te Whakahekenga o te Reo Māori. Ka huri rātou ki te whakaaro mō ō rātou ake whānau. I pēhea te ora o te reo Māori i roto i ō rātou ake whānau i roto i ngā tau? Ka pātai ki ō rātou whanaunga e pā ana ki te hītori o te reo i ō rātou whānau ake. He aha te pānga o te ngaronga o te reo ki ō rātou whānau ake i ēnei rā?

4. Te wetewete me te tātari pārongo

He aha te pānga o te iti ihotanga o te reo Māori ki te Māori? Ka mahi mai ngā ākonga i tētahi hoahoa anga ika hei whakaatu i te pānga o te hekenga o te reo Māori ki te Māori. He aha hoki te pānga ki Aotearoa whānui?

5. Te whakaata me te aromatawai

Mehemea ko te reo Māori te reo matua o Aotearoa he aha ngā rerekētanga ka kitea i te hapori, i te kura, i te Kāwanatanga hoki?

Ka tuhi ngā ākonga i tētahi kōrero e pā ana ki te āhua o Aotearoa mēnā ko te reo Māori te reo matua.

Hoki ake ki runga ^