Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Ministry of Education.

Ngā Ngohe

1. Te whakapuaki i te kaupapa

Ka mātakitaki ngā ākonga i te ataata Te tīmatanga o te kapa haka. Ka whiriwhiri ngā ākonga i tētahi o ngā kiripuaki mai i te kōrero mō Kae rāua ko Tinirau, ka whakaatu anō i te kōrero mai i te tirohanga o taua kiripuaki. He pēhea tō rātou tirohanga ki tēnei kōrero? Ka taea e rātou te whakaatu anō i te kōrero mā:

  • te reta
  • te whakaari
  • te rātaka
  • te tuhi pakiwaitara.

2. Te tautohu pātai

Ka matapaki ā-akomanga i ngā kōrero e pā ana ki Ngā Mahi a Te Rēhia i te wā o ngā tīpuna. Hei aha ngā mahi nei? Ka ohia manomanotia ngā whakaaro me ngā mōhiotanga e pā ana ki Ngā Mahi a Te Rēhia. Ka mahi ā-rōpū ngā ākonga ki te tautohu i ētahi pātai hei rangahau mā rātou katoa. Hei tauira:

  • He rerekē ngā mahi a te tāne me te wahine? He aha i pēnei ai?
  • He aha te rerekētanga o te whare tapere me te whare karioi?
  • He aha ngā mahi a te kapa a Hineteiwaiwa?
  • Nō te Māori o Aotearoa anake te whare tapere?

3. Te rapu mōhiotanga

Ka tuhi mahere ā-rōpū ngā ākonga kia pai ai tā rātou rapu mōhiotanga e pā ana ki ā rātou pātai. Anei ētahi take hei whakaarotanga mā ia rōpū:

  • He aha te ngako o ia pātai?
  • He aha ngā mahi hei whakatutuki mā tātou?
  • He aha ngā rauemi matua hei kimi i ngā whakautu?
  • He aha ngā rauemi tuarua?
  • He aha ngā mahi a ia mema o te rōpū?
  • Āhea oti ai te mahi nei? Āwhea tātou hui ai?

4. Te wetewete me te tātari pārongo

Ka hui anō te rōpū ki te wetewete me te tātari i te otinga o ā rātou rangahau. Anei ētahi pātai hei whakaarotanga mā rātou:

  • He aha ngā mahi kua oti i a tātou?
  • E mārama ana, e whakaae ana tātou ki ngā whakautu kua kitea e tātou tae noa ki tēnei wā?
  • He whakaaro, he mōhiotanga anō rānei tō tētahi e pā ana ki ngā pātai?
  • Kua puta mai ētahi atu pātai?

5. Te whakaata me te aromatawai

Mā ngā ākonga tonu e whiriwhiri te huarahi e tika ana hei whakaatu i ā rātou mahi ki ētahi atu. Ko te mea nui tonu ko te whai wāhi o ngā mema katoa, ā, me mārama te whakatakoto i ngā kōrero. Kei Ngā Mahi Aromatawai ētahi ngohe hei whakamahinga mā rātou.

Hoki ake ki runga ^